Could right side pain be a recurrent kidney stone?

Dear Gaurav Ji,

Kidney stone, jise pathri bhi kehte hain, gurde mein banne wale chote, hard deposits hote hain jo urine nali mein rukavat aur tez dard ka kaaran ban sakte hain.

Agar aapko pehle stone (pathri) ki samasya thi aur ab kuch saalon baad phir se right side mein dard shuru ho gaya hai, to iski jaanch karwana zaroori hai. Yeh dard kidney stone, gallbladder stone, ya kisi anya karan se bhi ho sakta hai. Bina jaanch ke dard ka sahi karan bata pana mushkil hota hai.

Doctor aapki sthiti ko samajhne ke liye ultrasound (USG), urine test, blood tests, ya zarurat padne par anya jaanchon ki salah de sakte hain. Agar dard bahut zyada ho, bukhar ho, ulti ho, ya peshab mein dikkat ho, to jaldi doctor se sampark karein.

Kripya batayein

• Aap kis city aur state se hain?

• Pehle aapko kidney stone tha ya gallbladder stone?

• Kya dard ke saath bukhar, ulti, ya peshab mein jalan bhi ho rahi hai?

Isse hum aapko aapke najdeeki partner hospital aur experienced doctor ke baare mein behtar margdarshan de sakenge.

Kidney Stone ke Samanya Lakshan 

• Pet ke side ya kamar ke nichle hisse (flank) mein tez aur chubhne wala dard. Yeh dard aage ki taraf pet ke nichle hisse ya groin tak bhi ja sakta hai.
  
  
• Ulti ya matli (nausea and vomiting) dard ke saath.
  
  
• Peshap karte samay jalan ya dard mehsoos hona.
  
  
• Bar-bar peshap aane ka ehsaas.
  
  
• Peshap ka rang badalna, ya usmein khoon aana (jise hematuria kehte hain).

Sawdhaniyan

• Paani Zyada Piyein : Khoob saara paani peene se chhote stones nikalne mein madad mil sakti hai aur naye stones banne ka khatra bhi kam hota hai.
  
  
• Diet par Dhyaan : Doctor aapko stone ke type ke hisaab se khaane-peene mein badlav ki salah de sakte hain, jaise sodium, oxalate ya animal protein kam karna.

How HexaHealth Can Assist You with Kidney Stone Diagnosis and Treatment

• Doctor Consultation : Hum aapko top urologists se consultation book karne mein madad kar sakte hain.
  
  
• Diagnostic Tests : Aapke liye zaroori diagnostic tests (jaise ultrasound ya CT scan) book karwane mein assistance.
  
  
• Treatment Guidance : Agar pathri confirm hoti hai, toh hum aapko uske treatment options (jaise ESWL, URS, PCNL) aur sabse acche hospitals ke baare mein jaankari de sakte hain.
  
  
• Financial Assistance : Hum aapko Ayushman Bharat yojana jaise sarkari schemes aur insurance cover ke baare mein bhi guide kar sakte hain.

Samay par jaanch aur sahi upchar se aap jaldi theek ho sakte hain. Apni sehat ka khayal rakhein.

Wishing you and your family good health always.
Warm regards,
Team HexaHealth