Is cataract surgery covered under PMJAY and what is the procedure?

Hello,

Ji Haan, cataract (motiyabind) ka operation Ayushman Bharat PM-JAY ke under covered ho sakta hai.

Cataract mein Kaunsa Procedure Hota Hai?

Cataract mein aankh ka natural lens cloudy ho jata hai, jiski wajah se dhundhla dikhna, raat mein dekhne mein dikkat ya vision kam hona ho sakta hai.

Operation mein usually :

• Aankh ke cloudy natural lens ko remove kiya jata hai.

• Uski jagah artificial lens, yani IOL (Intraocular Lens) lagaya jata hai.

• PM-JAY package mein cataract surgery ke different procedures available hain, jaise phacoemulsification with foldable IOL aur SICS with non-foldable IOL.

Kaunse Doctor Operation Karte Hain?

Cataract ka operation Ophthalmologist (Eye Specialist) karta hai. Doctor pehle aankhon ka detailed examination karke cataract ki severity aur surgery ke liye suitable lens/procedure decide karta hai.

Ayushman Hospital Kaise Check Karein?

1. Official Ayushman Bharat PM-JAY Hospital Search portal open karein.

2. Apna State select karein.

3. Apna District select karein.

4. Government ya Private Hospital select karein.

5. Specialty mein Ophthalmology/Eye select karein.

6. Agar kisi specific hospital mein treatment chahiye, to hospital ka naam search karein.

7. Captcha, agar shown ho, complete karein.

8. Search par click karein.

9. Check karein ki hospital ka active PM-JAY empanelment hai.

10. Hospital ke Ayushman Mitra/Ayushman desk par jaakar specifically confirm karein ki cataract surgery ka package available hai aur cashless approval mil sakta hai.

PM-JAY mein covered treatment empanelled hospitals mein cashless basis par diya jata hai, lekin exact procedure/package hospital se confirm karna zaroori hai.

Aap apni district ke overall empanelled hospitals ki list bhi check kar sakte hai.

Kaunse Documents Lekar Jaayein?

• Ayushman Bharat PM-JAY card/e-card

• Aadhaar card ya valid government ID

• Eye specialist ki prescription

• Eye examination reports

• Previous eye treatment records

• Blood pressure/diabetes ki reports, agar applicable ho

• Previous prescriptions aur discharge papers, agar available hain

• Recent blood tests, agar doctor ne karwaye hain

Wishing you and your family good health always.
Warm regards,
Team HexaHealth