Ayushman Bharat Hospital List for Hernia Surgery Cashless Treatment

Dear Mahesh Kumar Nagar ji,

Ji Haan, Ayushman Card beneficiaries ke liye hernia ka treatment Ayushman Bharat PM-JAY ke under cover ho sakta hai.

Ayushman hospital check karne ke steps

1. Official PM-JAY Hospital Search portal open karein.
2. State mein patient ka state select karein.
3. District select karein.
4. Agar kisi particular hospital ka naam pata hai, to exact hospital name search karein.
5. Specialty mein General Surgery select karein.
6. Captcha enter karein.
7. Search par click karke hospital ka current empanelment status check karein.
8. Hospital ki empanelled services mein hernia treatment available hai ya nahi check karein.
9. Overall list bhi check kar sakte hain apni district ke empanelled hospital ki
10. Admission se pehle hospital ke Ayushman desk par confirm karein ki patient ka exact hernia treatment/package cashless hai aur pre-authorisation ki zarurat hai ya nahi.

Aap apne home state ke bahar bhi kisi empanelled hospital mein PM-JAY treatment le sakte hain, subject to applicable scheme rules

Kaunse documents lekar jaayein?

• Ayushman Card
• Aadhaar Card ya valid ID proof
• Doctor ki prescription/referral
• Hernia ka ultrasound/scan report, agar available hai
• Blood test reports
• Previous treatment records
• Previous discharge summary, agar koi hai
• Current medicines/prescriptions
• CT scan/MRI report, agar doctor ne karwayi hai
• Hospital dwara maange gaye additional documents

Wishing you and your family good health always.
Warm regards,
Team HexaHealth