What causes redness and bad smell in the foreskin?

Dear narendra ji

Foreskin ke neeche redness, swelling, jalan, itching, discharge aur bad smell infection ya inflammation ke signs ho sakte hain. Iska exact reason check-up ke baad hi pata chalta hai.

Abhi ghar par kya karein?

• Roz halka gunguna paani use karke penis aur foreskin ke neeche gently clean karein.

• Agar foreskin comfortably peeche ho jati hai, to gently peeche karke area clean karein aur achhe se dry karein.

• Foreskin ko zor se na kheecho, especially agar woh tight ya painful hai.

• Cleaning ke baad foreskin ko wapas normal position mein le aayein.

• Loose cotton underwear pehnein aur area ko dry rakhein.

• Soap, shower gel, perfume, deodorant ya harsh antiseptic products private area par na lagayein, kyunki inse irritation badh sakti hai.

Treatment kya ho sakta hai?

Treatment problem ke cause par depend karta hai. Doctor zarurat ke hisaab se antifungal cream, antibiotic ya mild steroid cream de sakte hain. Isliye bina doctor ki advice ke koi cream ya antibiotic khud se start na karein.

Agar problem baar-baar hoti hai, foreskin bahut tight hai, ya cleaning mein dikkat hoti hai, to urologist se check-up karwana chahiye. Kuch repeated cases mein doctor circumcision jaise treatment ke baare mein bhi advise kar sakte hain.

Kab doctor ko jaldi dikhana chahiye?

• Bad smell ke saath pus ya unusual discharge aa raha ho

• Urine karte waqt pain ya burning ho

• Foreskin bahut swollen ya painful ho

• Foreskin peeche karne mein dikkat ho

• Problem baar-baar ho rahi ho

• Fever ya redness/swelling badhti ja rahi ho

Agar foreskin peeche karne ke baad wapas aage nahi aa rahi hai aur penis bahut swollen ya painful ho raha hai, to yeh emergency ho sakti hai aur turant medical help leni chahiye.

Wishing you and your family good health always.
Warm regards,
Team HexaHealth