Is bleeding during bowel movements a sign of piles?

Hello,

Agar aapka matlab hai ki peshab karte samay urine mein blood aa raha hai, toh ise piles na samjhein.

Piles mein blood anus yani potty nikalne wali jagah se aata hai. Usually bright-red blood potty ke baad toilet paper par, potty ke upar ya toilet bowl mein dikh sakta hai.

Lekin agar blood peshab ke andar se aa raha hai, toh iska reason urinary tract se related ho sakta hai. UTI, kidney stone, bladder stone ya urinary system ki doosri problems ke wajah se urine mein blood aa sakta hai.

Kaise Samjhein Blood Kahan Se Aa Raha Hai?

• Peshab ka colour pink, red ya dark brown ho raha hai - urine mein blood ho sakta hai.

• Peshab karte waqt jalan ya baar-baar peshab aa raha hai - urine infection ho sakta hai.

• Kamar ya side mein tez dard ke saath urine mein blood hai - kidney stone jaisi problem ho sakti hai.

• Potty karte waqt potty vali jgha se fresh red blood aa raha hai - piles ya anal fissure jaise causes ho sakte hain.

Sirf symptoms dekhkar exact reason confirm nahi kiya ja sakta. Urine mein blood pehli baar bhi aaye, toh doctor se check karwana important hai.

Aapko Kya Karna Chahiye?

Ghabraiye nahi, lekin is symptom ko ignore bhi mat kijiye. Ek physician ya urologist se consultation lekar urine test aur doctor ki advice ke according further tests karwa sakte hain.

Agar bahut zyada blood aa raha hai, blood clots aa rahe hain, peshab ruk raha hai, ya severe pain/fever hai, toh urgent medical care lein.

Wishing you and your family good health always.
Warm regards,
Team HexaHealth