Can Ayushman Bharat Cover Breast Cancer Treatment for Low Income Family?

Dear Taheer ji

Ayushman Bharat PM-JAY ek government health scheme hai jisme eligible families ko empanelled hospitals mein covered treatment ke liye cashless healthcare benefit milta hai. Scheme mein eligible beneficiaries ko family basis par up to ₹5 lakh per year ka cover diya jata hai.

Agar aap lower-income family se hain, tab bhi sirf income ke basis par card automatically nahi milta. Pehle check karna hota hai ki aapki aunty ka naam PM-JAY ya applicable state beneficiary database mein eligible hai ya nahi. Eligibility check CSC, empanelled hospital ya official PM-JAY system se ki ja sakti hai 

Agar aapki aunty 70 saal ya usse zyada ki hain, unhe income eligibility ki fikar kiye bina, seedha Ayushman Vay Vandana Card ke through ₹5 lakh/year ka separate cashless cover mil sakta hai koi income test nahi hai is category ke liye.

Aake paas Ayushman Card nahi hai, to sabse pehle apni eligibility check karwayein. Eligibility PM-JAY ke SECC 2011 database mein listing par based hai  agar aap 70 saal ya usse zyada ke hain, to income ki koi limit nahi hai, aap Ayushman Vay Vandana Card ke liye directly eligible ho sakte hain.

Eligibility check aur card banwane ke tareeke

1. Online : beneficiary.nha.gov.in portal ya "Ayushman App" (Google Play Store) par jaayein phir Mobile number se login karein uske baad Eligibility check karein phir Aadhaar-based e-KYC complete karein end mein Card download karein.
   
   
2. Offline : Nearest CSC (Common Service Centre) ya PM-JAY empanelled hospital par jaayein  wahan Ayushman Mitra desk aapki eligibility check aur e-KYC free of cost mein complete karne mein help karega.
   
   

Documents chahiye

• Aadhaar Card
• Ration Card ya Family ID, agar available hai
• Mobile number (OTP verification ke liye)

Ayushman Hospital Kaise Check Karein?

1. Official PM-JAY Hospital Search portal open karein.
2. Apna State select karein.
3. Apna District select karein.
4. Hospital Type select karein jaise public , private.
5. Speciality mein Oncology/Cancer related speciality select karein.
6. Hospital Name pata ho to enter karein.
7. Captcha fill karein.
8. Search par click karein.
9. Hospital list dhekhein.

Kaunse Documents Chahiye?

Aap ye documents ready rakhein

• Ayushman Card/e-card ya Vay Vandana Card, agar bana hua hai
• Aadhaar Card
• Ration Card ya Family ID, agar available hai
• Mobile number
• Cancer diagnosis report
• Biopsy/Histopathology report
• Mammography/USG/CT/MRI/PET-CT reports, agar available hain
• Doctor ki prescription aur treatment advice
• Previous medical reports/discharge summary

Wishing you and your family good health always.
Warm regards,
Team HexaHealth